【你老婆喺幼稚園 小學等緊你！28歲老師遇小五生 18年後終成眷屬】
/圖片來源：林天福/
最近有個46歲嘅男人喺fb分享同29歲未婚妻相識嘅經歷，呢段「師生戀」嘅故事好奇妙，直頭可以拎去拍電影😍😍
事緣男人28歲去咗間小學做實習老師，結識咗年僅11歲，讀緊小五嘅葉同學。當時二人只保持師生關係。直到葉同學小學畢業，佢哋嘅緣份暫告一段落。
去到10多年後，佢哋再相遇，但因為佢哋各自有另一半，冇一齊到。後來佢哋兩個變番單身，個男人知道葉同學就嚟去日本留學，佢即刻展開追求。明明唔識玩board game，都硬住頭皮陪佢玩。過咗冇耐，佢哋終於喺埋一齊。
雖然佢哋兩個相差足足17歲，但依然無阻佢哋嘅愛情。拍咗拖5年，佢哋終於要喺下個月拉埋天窗，近日佢哋返去小學校門前影婚紗相，兩個人同樣露出幸福笑容，男人留言：「彷彿就像是專程去認識她一樣。」葉同學亦表示：「我們繞了一大圈，然後回到了原點。」
呢個故事話畀大家聽，其實一日未到40歲，一日都唔使咁急搵另一半喎😏可能你個老婆仲喺幼稚園、小學呢？只要你唔好介意年齡嘅差異，男人去到40歲仲係生命滿希望呀😎總之對住任何年齡嘅女仔都好，記得要主動+細心+唔煩=成功！
#By懶醒女朋友
Search